Saman við Bakkafrost hevur Havsbrún tikið stig til at gera eina kanning av dálkingarstøðuni hjá aldum laksi. Seinnu árini hevur hendan dálking fingið vaksandi umrøðu uttanlands, og tilráðingarnar um at eta fisk ella ikki hava verið sera ymiskar. Sýnir vórðu tikin av laksi úr einum ringi í Gøtuvík og kannað fyri dálkandi evnir s.s dioxin, pcb og pestisidir. Eisini vórðu sýn tikið av fóðri, ið laksurin hevði etið. Hetta varð gjørt fyri at fáa innlit í hvussu hesi dálkandi evnini upphópaðust í laksinum. Niðurstøðan er heilt greið. Laksurin, ið hevur etið Havsbrún fóður er undir øll markvirðir frá EU.
Eisini varð staðfest at evnini upphópaðust í laksinum í einum serstakum mynstri, soleiðis at vit, við at kenna støðið í fóðrinum, kunnu rokna okkum fram til støðið í laksinum. Staðið fyri kanningini hevur Magnus Pauli Magnussen og Gudny Vang
Frágreiðingin kann heintast á www.havsbrun.fo.
