Bardagarnir, sum kyknaðu í Kairo seinnapartin, eru ein roynd hjá viðhaldsfólkinum hjá Hosni Mubarak, forseta at ræða egyptsika fólkið, og bardagarnir kunnu lættliga enda í einum blóðbaði.
Tað sigur Mohamed ElBaradei, sum er ein av andstøðuleiðarunum. Hann sigur við BBC, at hendingarnar í dag vísa, at stýrið hjá Mubarak er til reiðar at brúka kriminella framferð.
-Eg kvíði fyri, at hetta kann gerast eitt blóðbað, sigur ElBaradei.
Summar keldur halda, at løgreglumenn í sivilklæðum eru millum viðhaldsfólkini hjá Mubarak, og at teirra uppgáva er at noyða herin at leggja uppí. Men fyribils hava hermenninir bara skotið ávaringarskot upp í luftina.
