112
Rógvi Nybo
rogvi@sosialurin.fo
Í gjár gjørdist talan um nakrar rættiliga harðar hvirlur seint á seinnapartinum og tíðliga á kvøldinum. Hetta kom helst eisini óvart á fólk, og onkur smávegis skaði stóðst av hesum.
Ein bátur sleit í Hvalvík, men menn fingu tó skjótt surrað hann væl aftur. Ein fráboðan kom eisini um leysar takplátur, ið lógu og fuku við rundkoyringina í Søldarfirði. Hetta var helst í samband við at eini hús í Søldarfirði eru undir umvæling.
Um klokkan 18 fekk løgreglan eisini eina fráboðan um, at tveir kampingvognar vóru koppaðir við Leynavatn. Eigararnir komu tó skjótt á staðið, og fingu surrað kampingvognarnar fastar, so eingin størri skaði stóðst av hesum.
