Hesaferð bleiv virusið funnið í einum manni, sum var komin úr Jeddah í Saudiarabia við einum flogfari, sum millumlendi í Heathrow á veg til USA.
Mens-virusið, sum eisini verður rópt kamelvirus, kann elva til eina lungnasjúku, sum vit ikki kunnu viðgera enn. Virusið hevur sín uppruna millum kamelar í Miðeystri.
Hetta er aðru ferð, at heilsumyndugleikarnir í Bretlandi hava staðfest sjúkuna hjá ferðafólki á veg til USA.
Higartil hevur tað eydnast í stóran mun at avbyrgja virusið í Miðeystri, har tað hevur kravt 142 mannalív tey bæði seinastu árini.
Fyri fjúrtan døgum síðani bleiv tann fyrsti tilburðurin funnin í USA. Tað var eitt hjálparstarvsfólk, sum hevði verið í Saudiarabia, og í gjár kunngjørdu amerikonsku heilsumyndugleikarnir, at teir høvdu staðfest ein tilburð afturat, hesaferð í Florida.
