Avtalan millum Postverk Føroya og Kall hevur við sær, at kundar hjá Kall fáa teldubústað sín røktan av Postverki Føroya.
Í tíðindaskrivi, sum Bergur í Garði, postverksstjóri og Bjarni Askham Bjarnason, stóri í Kall hava undirskrivað, verður sagt, at Postverk Føroya hevur góðar royndir í at umsita posthús, bæði vanlig og teldutøk.
? Kallfelagar fáa nú boðið ókeypis teldupostbústaðir, sum liggja á posthúsinum Kall.net, sum Postverk Føroyar røkir. Avtalan, sum er gjørd, fær gildi frá 1. juni 2001, siga teir báðir.
Við hesum hevur Postverk Føroya eisini traðkað inn í fjarskiftisheimin, og Postverkið væntar, at samstarvið við Kall fer at hava við sær aðrar møguleikar fyri samstarvi, t. d. sølu av kalltænastum, umsitan av alnetshandilshúsum o. s. fr. verður sagt í tíðindaskrivi frá stjórunum báðum.
