Tað gjørdist eitt misjavnt umfar hjá føroyingaliðunum í bestu íslendsku fótbóltsdeildini, Pepsideildini hetta vikuskiftið.
Kaj Leo í Bartalsstovu var við frá byrjan, og hann fekk 66 minuttir á vøllinum tá lið hansara, Valur vann 1-0 á Leiknir á heimavølli. Patrick Pedersen skoraði sigursmálið tá fáir minuttir vóru eftir at leika.
Gunnar Nielsen vardi málið hjá FH sum á heimavølli á Kaplakrika leikvøllinum á Hafnarfirði var fyri fyrsta tapinum hetta kappingarárið. FH tapti 0-2 fyri KR, ið skoraði eitt mál í hvørjum hálvleiki.
2. hvítusunnudag spælir Valur á útivølli móti Keflavík. Týskvøldið spælir FH á útivølli móti Leiknir.
Støðan:
| Lið: | Dystir | Mál | Stig |
| Víkingur R. | 5 | 9:3 | 13 |
| Valur | 5 | 10:5 | 13 |
| KA | 5 | 10:3 | 10 |
| FH | 5 | 11:5 | 10 |
| Breiðablik | 5 | 11:8 | 7 |
| KR | 5 | 8:7 | 7 |
| Leiknir R. | 5 | 6:7 | 5 |
| Fylkir | 5 | 7:10 | 5 |
| ÍA | 5 | 5:9 | 5 |
| Keflavík | 5 | 5:13 | 3 |
| HK | 5 | 6:11 | 2 |
| Stjarnan | 5 | 2:9 | 2 |
