Tað ljóðar úr Gøtu og Leirvík, at Kaj Leo Í Bartalsstovu ikki byrjar ikki í kvøld. Hann hevur í vikuni verið og royndarvant í Lyngby.
Sum skilst, so hevur Sigfríður Clementsen, venjari hjá Víkingi, blandað kortini til steypafinaluna í kvøld. Úrslitið er, at Kaj Leo Í Bartalsstovu, sum hevur úttikin til landsliði í seinastuni, ikki byrjar inni.
Sosialurin skrivaði soleiðis í fríggjadagsblaðnum:
“Sam Jacobsen er komin heim til steypafinaluna og verður heilt víst at finna á verjukenda miðvøllinum. Kaj Leo Í Bartalsstovu er komin heim, eftir at hava verið í Lyngby og royndarvant í eina viku.
Størsti spurningurin í Leirvík og Gøtu eru meiri um hvør skal byrja inni. Í verjuni er spurningurin um ta verður Hans Jacobsen ella Dánjal Pauli Lervig, sum verður á vinstra bakki. Hetta avhongur helst av hvussu Sigfríður Clementsen vil manna miðvøllin. Vil hann hava Hanus á miðvøllin, so verður tað Dánjal Pauli, men um hann ikki ætlar tað, so helst meiri sannlíkt, at Hanus vinnur dystin um vinstra bakk plássið.
Sam Jacobsen og Sølvi Vatnhamar eru heilt víst við. Sam á verjukenda miðvøllinum, men so er aftur spurningurin um Sigfríður velur at hava Hanus á vinstra bakki og so hevur Sølva, Sam og Jann Inga á miðvøllinum. Ella um hann flytir Hanus á miðvøllin og Sølva á annan vongin, og offrar Kaj Leo Í Bartalsstovu ella Filip Djordjevic á vonginum.”
Nú er so greitt, at tað verður Dánjal Pauli Lervig, sum byrjar á vinstra bakki, meðan Hanus Jacobsen, Sam Jacobsen og Jann Ingi Petersen verða á miðvøllinum, meðan Sølvi Vatnhamar og Filip Djordjevic byrja á vengrunum.
Víkingur: (4-3-3)
Geza Turi - Bárður Hansen, Atli Gregersen, Erling Jacobsen, Dánjal Pauli Lervig - Sam Jacobsen, Jann Ingi Petersen, Hanus Jacobsen - Sølvi Vatnhamar, Filip Djordjevic, Finnur Justinussen.
