Kaizers Orchestra eisini á Popkomm

Mánadagin vistu vit at siga, at G!aktuellu bólkarnir Teitur, Outlandish og Infernal spæla á týska Popkomm ídnaðarfestivalinum í heyst, men eisini Noregi hevur valt ein G! aktuellan bólk at umboða seg í Týsklandi, nógv umrøddi Kaizers Orchestra verður millum norsku nøvnini í Berlin.

Kaizers Orchestra spælir nógv kring Evropa og telist millum best umtóktu norsku bólkarnar í løtuni, og á Popkomm sleppur bólkurin at vísa seg sum eitt boð uppá framtíðina hjá norskum tónleiki.