Tað at gera eina mynd, setir nakað í gong hjá teimum flestu. Tey koma í samband við okkurt, meðan pensilin liggur í hondini, sum tey annars ikki varnast í gerandisdegnum . Og verður hetta gjørt saman við meditatión, tað at stilla tankarnar ella at hugsa um tann eina tankan, tá klárnar kring teg sjálvan, og tú sær teg nógv klárari enn tú er vanur við.
Skeið í at læra at mála myndir og meditatión verður hildin í skúlanum í Miðvági komandi vikuskifti, fríggjadagin 25. mai og leygardagin 26 mai.
Talan er um eitt persónligt mennandi skeið, har tú hevur møguleikan at hyggja eftir tínum gerandisdegi sum kanska ikki er í javnvág. Kanska tú heldur, at tú hevur ov nógv at gera. Samanrenningin av at vera skapandi og meditatión kann føra til, at tú fær eyga á hvussu lívið er akkurát nú og harvið fær tú høvi til at broyta kós.
