Liðið hjá Nicholas Satchwell og Allani Norðberg, KA sleppur undan at flytu niður í næstbestu íslendsku hondbóltsdeildini.
KA bjargaði sær við egnari megi við at vinna 31-30 (19-18) á Gróttu á útivølli. Bruno Bernat vardi málið hjá KA størsta partin av tíðini, so Nicholas fekk ikki nakran avgerandi leiklut í dag.
Samstundis tapti argasti kappingarneytin í niðurflytingarstríðnum, ÍR 30-32 (14-16) fyri Fram á útivølli.
KA endar sum nummar 10 av teimum 12 liðunum í deildini við 13 stigum, trimum fleiri enn ÍR sum flytur niður í næstbestu deildina saman við Hørði.
Dánjal Ragnarsson skoraði trý mál, tá hann og liðfelagarnir í ÍBV vunnu ein rimmar 35-25 (19-15) sigur á oddaliðnum, Vali á útivølli.
ÍBV endar á einum triðja plássi í endaspælinum við 30 stigum. Í endaspælinum skal ÍBV spæla móti Stjørnuni í fjórðingsfinalunum.
