Tað var vorðið sum sigur, tá ið tað loksins eydnaðist KÍ at vinna fyri fyrstu ferð nakrantíð í landskappingini við Margáir.
Úrslitið var 7-0 eftir at KÍ í hálvleikinum var frammanfyri 3-0.
KÍ hevði eina rúgvu av málmøguleikum, meðan Kristian Joensen í KÍ málinum ongantíð nýttist at bjarga. Tíðliga í seinna hálvleiki, tá ið EB/Streymur vísti góðan hugburð og arbeiddi fyri at minka um KÍ leiðsluna, sum tá var 3-0, spældi Niklas T. Kruse seg í góða støðu. Royndin var góð, men bólturin fór við síðuna av málinum.
Alt meðan heimaliðið stríddist fyri at vinna seg aftur í dystin, svaraði KÍ aftur, og so punkteraði tað heilt. Jóannes K. Danielsen, sum aftur í kvøld var í vinstru, skoraði fyri aðru ferð á rað, tá ið hann við fínum máli økti um munin til 4-0. So gjørdi innskifti Jonn Johannesenm av álvara um seg. Hann skoraði til 5-0 og 6-0.
Toppskjúttin hjá KÍ, Jóannes Bjartalíð, setti punktum, so KÍ fyri fyrstu ferð í meiri enn eitt ár vann 7-0. 28. apríl í fjør var úrslitið tað sama, tá ið TB var í Klaksvík.
Páll A. Klettskarð, sum saman við Ole Erik Midtskogen var í álopinum, legði gestirnar á odda í 12. minutti. Patrik Johannesen hevur lagt upp til nógv av KÍ málunum, og í kvåld eyndaðist tað honum loksins at vera millum málskjúttarnar. Hann skoraði til 2-0 í 27. minutti, og tíggju minuttir undan steðginum var tað Deni Pavlovic, sum var málskjútti.
-Vit halda okkum hava møguleika fyri at vinna FM. Tí er tað týdningarmikið at skora nógv mál, og tað gjørdu vit í kvøld. Vit høvdu fleiri framúr góðar royndir, og tað var spell, at áskoðararnir ikki vóru eygnavitni til fínu málini og góðu royndirnar, sigur KÍ venjarin Mikkjal Thomassen.
EB/Streymur – KÍ 0-7 (0-3)
0-1: Páll A. Klettskarð 12.
0-2: Patrik Johannesen 27.
0-3: Deni Pavlovic 36.
0-4: Jóannes K. Danielsen 55.
0-5: Jonn Johannesen 70.
0-6: Jonn Johannesen 72.
0-7: Jóannes Bjartalíð 89.
Dómari: Rúni Olsen
EB/Streymur: Rói Zachariasen – Gestur B. Dam, Mikkjal Hellisá, Andras Ó. Olsen, Ragnar Danielsen – Gutti Dahl-Olsen (Magnus Heinason, 69.), Bárður Olsen, Tóki H. Johannesen (Rói H. Olsen, 60.), Hjalti K. Djurhuus, Símun Sólheim – Niklas T. Kruse (Høgni Hummeland, 81.)
Gult kort: eingin
Venjari: Jákup Martin Joensen
KÍ: Kristian Joensen – Jesper Brinck (Boris Dosljak, 66.), Odmar Færø, Heini Vatnsdal (Ólavur Niclasen, 44.), Jóannes Kalsø Danielsen – Jóannes Bjartalíð, Deni Pavlovic, Jákup B. Andreasen, Patrik Johannesen – Páll A. Klettskarð (Jonn Johannesen, 56.), Ole Erik Midtskogen
Gult kort: eingin
Venjari: Mikkjal Thomassen
