Blaktrandi ljósið nú reyðsólin sær
lívið í litføgrum búna
fagrast av øllum ljósið oss bar
ljósanna bústað sigursins krúna
myrkur valdar kærleiksfylta ljósið
vónríkt lív og frælsi boðar
himnakongurin føddur í fjósi
kærleiksboðskapurin ljómandi logar
ljómandi ljósberi sterki
til rennandi løkir mær vísur
ljósanna faðir sýnti í verki
kærleiksundrið mikla geisandi lýsur
ljómfylta lag til ljóshav er vorðið
glæsiliga dýrdin víða og hátt
bergtikin vænleikan skoði
sæl gleðiboð runnu upp jólanátt
á einglaveingjum lív og ljós
fyllir vónrík hjørtu
spaklynt ganga frælsiskós
mót fagnaðarstjørnu bjørtu
á himni brandar logaglæman hátt
brimandi gamla jólasól
nú fløða gleðiboð innar gátt
ynskjum vær! Gleðilig jól!
Sólmundur Joensen
