Postverk Føroya hevur givið nýggja bók út um kópakonuna, umframt at plakat við tekningum eisini er útgivin Fyrr í ár gav Postverk Føroya út smáarkið Kópakonan, sum Edward Fuglø hevur teknað. Nú er eisini ein lítil bók givin út við sjálvari søgnini um kópakonuna í Mikladali. Bókin er myndprýdd við tekningunum úr frímerkjaarkinum. Bókin fæst á fimm málum: føroyskum, donskum, enskum, týskum og fronskum og er til sølu á Postverki Føroya fyri 49,- kr. Hon fæst eisini á Kunningarstovuni í Havn.
Ein plakat við tekningum av kópakonuni er eisini givin út. Støddin er 70 x 50 cm, og plakatin hevur tekningar á báðum síðum. Onnur síðan hevur hvíta bakgrund og hin brúna. Plakatin kostar 95,- kr.
