Tíðindaskriv:
Leygardagin verður sett hol á føroyameistarakappingina í billard fyri lið. Í
mun til undanfarna kappingarár eru ymsar broytingar gjørdar. Heldur laka
undirtøkan ger, at tað hevur verið neyðugt at minka um luttakaratalið á
hvørjum liði. Fyrr vóru tríggir á liðnum, nú verða tað tveir. Í ár verður so
eisini bara spælt í eini deild. Fyrr vóru tríggjar deildir.
Feløgini, sum luttaka, eru: Havnar Klubbi, Kaggin og Klaksvíkar
Billardfelag. HK og KB hava hvør síni tvey lið og Kaggin eitt.
Kappingin fer fram á tann hátt, at hvør spælari dystast tvær ferðir móti
spælarunum á mótstøðuliðnum.
Fyrstu dystirnir verða í vikuskiftinum. Tá spæla bæði klaksvíkarliðini móti
hvørjum øðrum og sama gera liðini hjá Havnar Klubba. Kappingin endar 10.
mars. Einstaklingakappingin veråur í Klaksvíkar Klubba í mars.
