Tað skal ganga óhugnaliga illa hjá KÍ, um tær ikki skulu tryggja sær 13. meistaraheitið í ár. KÍ vann í gjár 10-0 á B68/NSÍ, meðan AB óvæntað tapti heili 3-0 fyri HB.
KÍ hevur 45 stig á fyrsta plássi fyri 15 dystir. B36 liggur nummar tvey við 39 stigum fyri 16 dystir. KÍ hevur ein málmun, sum er 54 mál betri enn tann hjá B36. Umframt tað, so er annar av dystinum hjá B36 móti FC Suðuroy, sum hevur tikið liðið úr kappingini. Tí vinnur B36 tann dystin 3-0.
Tað er tí óhugsandi, at B36 megnar at koppa KÍ, áðrenn tey 18 umførini eru avgreidd. KÍ hevur tríggjar dystir eftir og teir eru móti HB, Víkingi og AB, meðan B36 hevur tveir dystir eftir. Ein móti FC Suðuroy, sum tær vinna 3-0, og ein móti Skála.
