Venjarin hjá Real Madrid kunngjørdi longu í gjár, hvørjir teir ellivu eru, sum skulu byrja inni í kvøld í fyrru hálvfinaluni í Champions League móti Borussia Dortmund.
Bæði Borussia Dortmund og Real Madrid høvdu í gjár tíðindafund undan hálvfinaluni í kvøld. Fyri
Jürgen Klopp og Borussia Dortmund var stóra samtaluevni skiftið hjá Dortmund stjørnuni, Mario Götze, til Bayern Munchen.
Í gjár kunngjørdi Bayern Munchen, at teir hava keypt 20 ára gamla miðvallaran frá arvafíggindanum. Hetta hevur fingið øði í viðhaldsfólkini hjá Borussia Dortmund, men venjarin vónar, at tað ikki kemur at ávirka stuðulin í kvøld.
- Um tú ikki ætlar at koma at stuðla liðnum í kvøld, so vóni eg at tú gevur atgongumerki til onkran sum ger, vóru seinastu boðini hjá Jürgen Klopp.
José Mourinho valdi á tíðindafundinum at boða frá hvørjir teir ellivu eru, sum skulu byrja inni. Hann rósti eisini sínum spælarum fyri at verða frálíkir einstaklingar, sum spæla sum eitt lið.
Real Madrid liðið í kvøld: 4-2-3-1
Diego Lopez Sergio Ramos, Pepe, Raphael Varane, Fabio Coentrao Xabi Alonso, Sami Khedria, Mesut Ozil Angel Di María, Cristiano Ronaldo og Gonzalo Higuaín.
Dysturin millum Borussia Dortmund og Real Madrid byrjar klokkan 19.45. Hvønn hevur tú sum favoritt at vinna í kvøld?
Champions League hálvfinala:
Borussia Dortmund Real Madrid (19.45)
