Jónleif Sólsker tekur við eftir Áka Mørk sum venjari hjá besta mansliðnum hjá Neistanum. Jónleif Sólsker hevur í ár verið venjari hjá StÍF.
Tað boðar heimasíðan hjá Neistanum frá. Á heimasíðuni stendur millum annað at lesa;
Jónleif Sólsker, ið er eitt kent andlit í føroyskum ítrótti, bæði í hond- og fótbólti, tekur við sum nýggjur høvuðsvenjari hjá fremsta mansliðnum komandi kappingarár. Í honbólti hevur hann spælt 406 dystir og skotið 1745 mál við Kyndli. Jónleif hevur eisini spælt við VÍF og StÍF.
Jónleif hevur drúgvar royndir í hondbólti, bæði sum spælari, venjari og spælandi venjari. Hann hevur verið venjari hjá Kyndli, VÍF og í tveimum umførum hjá StÍf. Nú fer Neistin at fáa gagn av hansara drúgvu royndum.
Les eisini: Palli millum Neista áskoðararnar
Áki Mørk hevur verið venjari hjá Neistanum seinastu trý árini, har hann hevur bygt upp av nýggjum. Eisini á kvinnuliðnum eru broytingar í venjara sessinum. Um vikuskiftið bleiv Palli Joensen skumpaður av venjarasessinum, meðan Flemming Raben og Sigrun Mikkelsen nú standa við róðrið.
