Jónhild Abrahamsen er sett í starv sum sosialdeildarleiðari hjá Fuglafjarðar kommunu, og hon byrjar í starvinum hin 1. oktober í ár.
Fuglafjarðar býráð samtykti á fundi hin 26. august í ár at seta Jónhild Abrahamsen í starv sum sosialdeildarleiðara hjá Fuglafjarðar kommunu.
Avgerðin hjá býráðnum er grundað á tilmæli frá setanarbólki og fíggjarnevndini.
Jónhild Abrahamsen, sum er 50 ára gomul, er búsitandi í Fuglafirði. Hon er útbúgvin banka- og sosialráðgevi og hevur harumframt eina master í almennari leiðslu.
- Nýggi sosialdeildarleiðarin hevur drúgvar starvs- og leiðsluroyndir innan sosiala øki, serliga í donskum kommunum, vita tey í Fuglafjarðar kommunu at siga í dag.
