Jón Rúnar Arason hevur síðan 1991 á hvørjum ári havt týðani leiklutir í operum eftir Mozart, Donizetti, Puccini, R. Strauss og Verdi á operuhúsunum í Reykjavík, Gøteborg, Århus og Oslo.
Jón Rúnar kom í semifinaluna í altjóða Placido Domingo sangkappingini í 1994 og í 1996 fekk hann serprís á altjóða sangkappingini í Keypmannahavn.
ÓLØF KOLBRÚN HARÐARDÓTTIR
tók fráfaringarprógv frá Tónlistaskóla Kópavogs og helt fram sangútbúgvingarleið í Týsklandi, Eysturríki og Italia. Elisabeth Erlinghsdóttir, Erik Werba, Helene Karusso, Lina Pagliughi og Renato Capecchi eru millum hennara lærarar.
Óløf hevur í mong ár verið at meta sum ein tann fremsta millum íslendskar sopransolistar og hevur havt konsertir í Íslandi, Norðurlondum, Týsklandi, Eysturríki og USA.
Millum hennara mongu operuleiklutir kunnu nevnast Valecienne í Kátu Einkjuni, Nedda í Pagliacci, Eurodike í Orfeus og Eurodike, Mimi í La Bohéme, Saffi í Sigoynarabaróninum, Violetta í La Traviata, Pamina í Gandafloytuni, Anna í Don Giovanni, Rosina í Brúdleypi Figaros.
Óløf Harðaradóttir undirvísir á Sangskúlanum í Reykjavík. Hon hevur sitið í stjórn Íslendku Operunnar frá hennara stovnan og er nú umsitingarstjóri operunnar.
