Landssjúkrahúsið skrivar, at Jón Rói hevur tikið 4,5 ára serlæknaútbúgving á Landssjúkrahúsinum og hjá kommunulæknaskipanini, har hann hevur verið í ymiskum læknaviðtalum.
Jón Rói Jacobsen hevur verið ávikavist hjá kommunulækna Arnhold Jensen í Norðoya læknadømi, hjá kommunulækna Djóna Sandberg Joensen í Vága læknadømi og teir seinastu sjey mánaðirnar í viðtaluni hjá Bjarna Wardum, kommunulækna í Suðurstreymoyar læknadømi.
Í Føroyum er útbúgving av serlæknum í almennum medisini skipað í samstarvi millum Landssjúkrahúsið, Kommunulæknaskipanina og Videreuddannelsesregion Øst í Danmark.
Útbúgvingartíðarskeiðið fevnir um ymiskar kliniskar starvstíðir á sjúkrahúsi og í kommunulæknaviðtalu, umframt eina røð av skeiðum v.m. í Danmark og í Føroyum.
Í løtuni eru 13 læknar undir útbúgving til kommunulækna. Í 2025 verða eftir ætlan fimm læknar útbúnir sum serlæknar í almennum medisini.
– Landssjúkrahúsið fegnast um at verða við til at útbúgva nýggjar kommunulæknar, skrivar Landssjúkrahúsið á Facebooksíðu síni.
