6. august 1980 var stór móttøka á Tvøroyrar kei, tá einasti føroyingur, ið hevði luttikið á nøkrum donskum landsliði, svimjarin Jon Hestoy av Tvøroyri, kom heimaftur aftaná lokna prentaraútbúgving í Århus, har hann hevði luttikið við AGF-svimjiliðnum.
Orsøkin til at tvøráfólk fagnaðu Jon Hestoy var tann, at hann hevði luttikið í donsku DM-kappingini við avbera góðum úrslitum. Hann gjørdist danskur meistari í 200 m butterfly og setti samstundis nýtt danskt met. Aftrat hesum eydnaðist tað Jón at vinna trý silvurmerki í 1500 m fríari svimjing, 400 m medley, og 400 m butterfly.
Umframt hetta bragd luttók Jon eisini í eini heilt aðrari kapping, sum hann vann so dyggiliga. Hann gjørdist heimsmeistari í at eta nekarakyss. Gamla metið var 30 nekarakyss upp á 9 min og 11 sek, meðan Jon bert brúkti 4 min og 46 sek og annars helt fram, til hann hevði etið 50 nekarakyss upp á 10 minuttir.
Myndaárbókin árið ið fór 1980
