Sjóvar kommuna hevur sett Jón Rasmussen í starv sum nýggjur húsavørður hjá kommununi.
- Jón, sum er handverkari, hevur verið í starvi hjá kommununi síðan 2013, og nú fyrrverandi húsavørðurin fór frá fyri aldur, er Jón settur í hetta starv.
Tað vita tey í Sjóvar kommunu at siga í dag.
Høvuðsuppgávurnar hjá húsavørðinum eru at hava eftirlit við og viðlíkahalda skúlan, heilsumiðstøðina og kommunuskrivstovuna.
- Húsavørðurin hevur eisini ábyrgdina av svimjihylinum og varðar av reingerðarfólkunum.
Í Sjóvar kommunu leggja tey aftrat, at húsavørðurin eisini hevur ábyrgdina av, at flaggað verður til allar almennar flaggdagar, merkisdagar og jarðarferðir í kommununi.
Maðurin, sum varð settur í starvið sum skúlatænari í Sjóvar kommunu hin 1. oktober í 1992, var Bergur Johansen. Seinni varð starvsheitið broytt til húsavørður.
Bergur Johansen er nú farin frá vegna aldur, men ger framvegis onkrar tímaløntar uppgávur fyri kommununa.
##med2##