Nú er tíðin komin til at jólaborðhaldini byrjað, og ungmanafelagið í Nólsoy skipaði fyri slíkum í gjár.
Tað var sera hugnaligt, tá ungmannafelagið Royndin í gjárkvøldið skipaði fyri hjólaborðhaldi í Royndaerhúsinum.
Út við hundrað fólk høvdu tekna seg til borðhaldið, sum hildnaðist sera væl.
Sjálvt borðhaldið vardi í einar fýra tímar, og tað tóktist ikki, sum fólk høvdu hug at gevast við at syngja.
Dansurin gekk eisini sera væl, og dansað var langt út á náttina.
Tað hevur ikki verið nógv lív í úti í Nólsoy seinastu árini, men nýggja nevndin hevur tikið annað skinn um bak, og nú er tað onnur veitslan í heyst, ið skipað verður fyri. Seint í september var skipað fyri einari nátaveitslu, og tá vóru væl yvir 80 fólk við. Hesaferð vóru tey 97, ið høvdu teknað seg.
