Niðurlendski prinsurin Johan Friso, sum er er illa heilaskaddur eftir at hava ligið undir einum skalvalopi í Eysturríki, varð í dag fluttur av sjúkrahúsinum í Innsbruck til eina endurvenjingarstøð í London.
Eysturríkska løgreglan sigur, at eitt sjúkraflogfar flutti hann til Bretlands seinnapartin.
Johan Friso hevði ligið 20 minuttir undir kavanum, tá bjargingarfólk funnu hann, og tað tók ein hálvan tíma at fáa lív í hann aftur. Sostatt fekk heilin einki súrevni í 50 minuttir, og tann 43 ára gamli prinsurin er ongantíð raknaður viðaftur. Læknarnir siga, at tað er heldur ikki vist, at hann nakrantíð fær vitið aftur.
