Umstríddi enski miðvallarin, Joey Barton, sum í summar heldur óvæntað valdi at skifta frá uppflytarunum úr Burnley til nýuppflutta Glasgow Rangers í Skotlandi, varð miðskeiðis í november loystur úr sáttmála sínum í Glasgow Rangers.
Hann hevur tí gingið uttan felag í gott og væl ein mánað, men nú er greitt hvar enski miðvallarin fer at spæla komandi tíðina.
Fyrrverandi felag sítt, Burnley, boðar nevniliga frá í dag, at felagið hevur heinta Joey Barton heimaftur í einum sáttmála sum er galdandi fyri næsta hálva árið.
Joey Barton var í fjør valdur til ársins leikara í Burnley sum flutti upp úr Championship í Premier League.
