Føroyska landsliðið er í kvøld komið til Alanya í Turkalandi, har liðið skal halda til fyrstu dagarnar av ferðini. Við ferðalagnum er Jóan Símun Edmundsson.
Tá Hákan Ericson fyri viku síðan úttók hópin, verður 23 nøvn. Hann segði tá, at 24. spælarin verður antin Jóan Símun Edmundsson, ella helst Páll A. Klettskarð. Jóan Símun Edmundsson hevur verið undur skurð fyri trupulleikar í rygginum, men væntast at kunna spæla á landsliðsferðini.
Landsliðið fór í morgun til Turkalands við rutuflúgvara. Fyrst til Keypmannahavnar og síðani til Istanbul. Síðani víðari til Alanya, har liðið er á einari lítlari venjingarlegu, áðrenn farið verður aftur til Istanbul.
Leygardagin 4. juni verður hol sett á UEFA Nations League 2022/2023 kappingina. Ikki færri enn fýra dystir eru á skránni í hesum umfarinum. Føroyar leggja fyri á útivølli móti Turkalandi, og síðan verður spælt heima móti Luksemborg og Litava ávikavist 7. og 11. juni, áðrenn utidystin móti Luksemborg, sum verður 14. juni.
FM1 sigur frá øllum fýra landsdystunum.
Hópurin:
Gunnar Nielsen, FH (Ísland)
Teitur Matras Gestsson, HB Tórshavn
Mattias Heðinsson Lamhauge, B36 Tórshavn
Rene Shaki Joensen, KÍ Klaksvík
Mads Boe Mikkelsen, KÍ Klaksvík
Viljormur Davidsen, Helsingborgs IF (Svøríki)
Daniel Johansen, HB Tórshavn
Sonni Ragnar Nattestad, B36 Tórshavn
Odmar Færø, KÍ Klaksvík
Rógvi Baldvinsson, Bryne BK (Noreg)
Hørður Askham, HB Tórshavn
Heini Vatnsdal, KÍ Klaksvík
Gilli Rólantsson Sørensen, Odds Ballklub (Noreg)
Gunnar Vatnhamar, Víkingur
Hallur Hansson, KR (Ísland)
Jákup Biskopstø Andreasen, KÍ Klaksvík
Ári Mohr Jónsson, HB Tórshavn
Sølvi Vatnhamar, Víkingur
Jóannes Bjartalíð, KÍ Klaksvík
Meinhard Egilsson Olsen, Mjøndalen (Noreg)
Hannes Agnarsson, HIK (Danmark)
Klæmint Andrasson Olsen, NSÍ Runavík
Patrik Johannesen, Keflavík (Ísland)
Jóan Símun Edmundsson, Wassland-Beveren (Belgia)
