Navnframi danski íverksetin, Jesper Buch, heldur, at allir danir eiga at vitja Føroyar. Tað segði hann í vælumtóktu íverksetarasendingini Løvens Hule í kvøld í sambandi við, at ein føroyingur royndi eydnuna við sínari uppfinning.
- Tað burdi verið obligatoriskt fyri allar danir at farið til Føroyar í minsta lagi eina ferð í sínum lívi. Tí tað er simpulthen tað villasta staðið. Halt kjaft ikki, har er vakurt, segði Jesper Buch.
Jesper Buch er ein av mest framgongdarríku vinnulívsmonnum í Danmark. Hann er millum annað stovnari av ein av størstu handilspallum í heiminum, Just-Eat. Harumframt er hann íleggjari og eigari í nógvum øðrum fyritøkum - millun annað føroyska trygdartólinum, Safe-Friend. Jesper Buch hevur eisini givið út bókina “KICK-ASS- Fra kælder til milliard”, har hann greiðir frá, hvussu hann byrjaði sum íverkseti.
Jesper Buch var í Føroyum í 2017 í sambandi við tiltak, sum Vinnuhúsið skipaði fyri. Tiltakið minti um konseptið í Løvens Hule, har seks íverksetar sluppu at vísa sítt hugskot fram fyri einum paneli við vón um eina ílegging.
