Tað tørnaði ikki soleiðis út, sum støðutalvan kundi lagt upp til, at tað fór at gera, tá ið áttanda umfar í bestu kvinnudeildini var á skrá.
Higartil í ár hevur tað gingið av skriðuni hjá Víkingi, sum undan heimadystinum ímóti B36 í dag bara hevði vunnið úrtøku í fyrsta umfari, tá ið Víkingur vann stórsigur á útivølli ímóti suðuroyingum.
Í dag glapp hjá Víkingi, sum vann 4-3 á heimavølli ímóti B36 og harvið tvífaldaði um úrtøkuna í stigum.
Í fyrra hálvleiki bendi einki á, at Víkingur fór at vinna. Brasilsku spælararnir Jiselle Souza og Livyan Silva løgdu síðsta korterið av fyrra hálvleiki B36 á odda 2-0. Tá ið ein lítil tími var farin, minkaði landsliðsverjuspælarin Maria á Lakjuni um munin til 2-1, og næstu 20 minuttirnar skoraði landsliðsmiðvallarin Jensa Tórolvsdóttir tvey mál aftrat.
Hon javnaði til 2-2 við brotssparki, og tíggju minuttir seinni legði hon Víking á odda 3-2.
Vanliga leiktíðin var farin, tá ið B36 liðformaðurin og miðvallarin Olga Kristina Hansen javnaði til 3-3, og so var tað, at Jensa Tórolvsdóttir, tá ið meiri enn fýra minuttir vóru farnir út um vanligu leiktíðina, við frágera góðum frísparki úr 40 metrum og heilt upp í málhornið var meistari fyri hattrikki, tá ið hon skoraði 4-3 sigursmálið hjá Víkingi.
EBS/Skála er næstfremst, og samansetta liðið varð roknað at vera favorittur í Hólmanum á Eiði ímóti NSÍ. Men tær úr Runavík vunnu 2-0. Heidi Sevdal setti hol á beinanvegin. Tá átti Laila Pætursdóttir uppleggið, og miðskeiðis í fyrra hálvleiki átti Heidi Sevdal uppleggið, tá ið Stefani Cabral úr Brasil økti um leiðsluna fyri NSÍ, sum seinna partin av seinna hálvleiki var undirmannað.
Hóast KÍ í mong ár hevur átt betri lið enn HB, so hevur HB oftast staðið seg væl ímóti favorittunum úr Klaksvík. Soleiðis var tað eisini í dag. Dysturin millum javnaldrarnar, sum varð spældur í Klaksvík, endaði 1-1. Bæði málini vórðu skorað eftir lítlari løtu í fyrra hálvleiki. Fyrsti gjørdi KÍ sjálvmál, og fimm minuttir seinni javnaði Eyðvør Klakstein til 1-1.
Í gjár vann 07 Vestur stórsigur – 14-0 – ímóti TB/FCS/Royn.
-
07 Vestur – TB/FCS/Royn 14-0 (7-0)
1-0: Lisa Haraldsen 4.
2-0: Evelin Mastropasqua br 7.
3-0: Lisa Haraldsen 16.
4-0: Evelin Mastropasqua br 21.
5-0: Sissal Haraldsen 34.
6-0: Sissal Haraldsen 38.
7-0: Sissal Haraldsen 45.
8-0: Evelin Mastropasqua 48.
9-0: Evelin Mastropasqua 65.
10-0: Mona Poulsen 68.
11-0: Evelin Mastropasqua 73.
12-0: Lisa Haraldsen 75.
13-0: Carol Silva 88.
14-0: Evelin Mastropasqua 91.+
-
KÍ – HB 1-1 (1-1)
0-1: Sjálvmál 24.
1-1: Eyðvør Klakstein 29.
-
Víkingur – B36 4-3 (0-2)
0-1: Jiselle Souza 30.
0-2: Livyan Silva 43.
1-2: Maria á Lakjuni 59.
2-2: Jensa Tórolvsdóttir br 68.
3-2: Jensa Tórolvsdóttir 79.
3-3: Olga Kristina Hansen 91.+
4-3: Jensa Tórolvsdóttir 94.+
-
EBS/Skála – NSÍ 0-2 (0-2)
0-1: Heidi Sevdal 6.
0-2: Stefani Cabral 27.
-
| KÍ | 8 | 6 | 2 | 0 | 23 | 4 | 20 |
| EBS/Skála | 8 | 5 | 1 | 2 | 22 | 10 | 16 |
| NSÍ | 8 | 4 | 1 | 3 | 21 | 8 | 13 |
| HB | 8 | 4 | 1 | 3 | 21 | 10 | 13 |
| B36 | 8 | 4 | 1 | 3 | 24 | 14 | 13 |
| 07 Vestur | 8 | 4 | 0 | 4 | 25 | 11 | 12 |
| Víkingur | 8 | 2 | 0 | 6 | 25 | 18 | 6 |
| TB/FCS/Royn | 8 | 0 | 0 | 8 | 1 | 86 | 0 |
-
Máltindurin
Evelin Mastropasqua 07 Vestur 8
Heidi Sevdal NSÍ 8
Livyan Silva B36 8
Jensa Tórolvsdóttir Víkingur 7
Kára Djurhuus EBS/Skála 7
-
9. umfar
Leygardagin 28. mai
HB – 07 Vestur
Sunnudagin 29. mai
KÍ – NSÍ
Víkingur – EBS/Skála
B36 – TB/FCS/Royn
