Jens Jørgin Thorsen er farin avstað
millum stjørnudust og stjørnutinnur.
Hann flýgur í leopardbuksum og leopard frakka.
Hann situr í fangi Abrahams og mimar sínar glaðu løtur
í happening og drekkur hvíta kúgvamjólk
og málar krussudullur á himnaveggum.
Málingin rennur eftir kjálkum, nøs og dryppar
úr hondum - eftir bringu, úr lagandi eygnakrókum -
málningaløgur flýtur eftir himnagøtum,
har vassandi himnabørn
tvassa í gulari, reyðari og bláari máling.
Jens Jørgin hevur einglaveingir úr leopardskinni,
sum bleiktra í himnavindum.
Skeinur eru allastaðni -
reyðar gular og bláar.
Øll laga og eru glað og frøast,
tí Jens Jorgin gongur
fra dyr til dyr og mussar gomul og ung-
gamlar sveinar og ungu sprund
av himnaongum,
so reyður, gulur, bláur og grønur.
Sjálvur Várharra situr í skellilátri -
gulur, grønur og bláur.
Málingaløta er i Himmiríki.
Frits Johannesen
