Jenis av Rana, Landsstýrismaður, royndi í dag nakað, ið fleiri helst aftra seg við at royna. Hann vitjar í hesum døgum í Suðuroynni.
Landsstýrismaðurin uttanríkis- og mentamálum hevur vitjað á fólkaskúlum, Skúladeplinum í Suðuroy, Føroya Eftirskúla og eisini á Ítróttaháskúlanum í Suðuroy.
Og á Ítróttaháskúlanum fekk hann eina øðrvísi uppliving, tá hann gjørdi eitt “rope-sving” úr 13-14 metra hædd í Marghøllini í Vági, skrivar Suðurrás.
Vit kunnu siga, at her er talan um landsstýrismann í fríum falli.
Her sæst videobrot av Jenis av Rana í fríum falli
