Í dag tekur Randi í Jógvansstovu við sum næstformaður í Javnaðarflokkinum. Randi í Jógvansstovu tekur við eftir Helenu Eliasen, sum hevur sagt seg frá eftir 3 ár sum næstformaður, skrivar heimasíðan hjá Javnaðarflokkinum.
Randi í Jógvansstovu er ikki ókend í politikki. Hon hevur verði virkin í kommunupolitikki og er vald tvær ferðir í Leirvíkar bygdarráð, har hon nú situr í sínum øðrum valskeiði. Harumframt stillaði hon upp til løgtingsvalið í 2002.
Randi í Jógvansstovu hevur verið virkin í fakfelagsarbeiði og var eitt skifti formaður í Leirvíkar arbeiðsmannafelag.
