Men sum vikan leið, keypti virkið onkra last, og nú mánadagin lógu 60.000 pund niðurfyri frá seinastu viku. So, steðgurin í Saltangará var ikki langur.
Fýra trolarar
Mánadagin í hesi vikuni landaðu partrolararnir, Jaspis og Ametyst, í Saltangará. Teir høvdu tilsamans 1900 kassar, harav umleið 1100 kassar var upsi.
Í Saltangará vænta tey eisini partrolararnar, Smaragd og Safir, í vikuni. Teir høvdu 1300-1400 kassar inni í gjár. Um aðrar landingar verða í vikuni, dugdu tey ikki at siga á Fiskavirking í Saltangará mánamorgunin.
- Upsin er framvegis smáur, hóast komið er út í februar. Tað tekur tíð at koyra hendan fiskin ígjøgnum maskinurnar. So, vit hava nóg mikið at takast við alla hesa vikuna, siga tey á Fiskavirking í Saltangará.
