Jarnbardur verður ikki tikin

Ivin – um tað nakrantíð hevur verið nakar ivi – um at Jarnbardur skal endurvinna FM heitið, sum tær vunnu í fjør, er langt síðani burtur.

Spurningurin og spenningurin hevur verið, um tað skal eydnast aftur í ár at vinna FM heitið við fullum stigatali.

Fyrrapartin av teininum var munurin frá Jarnbardi og aftur til hinar ikki so stórur, men so hefti einki fyri. Tær á Jarnbardi spentu í, og á málstrikuni var fjarstøðan tvær bátslongdir.

Kappingin um næstfremsta plássið var ógvuliga stór. Páll Fangi luttók fyri fyrstu ferð í ár, og hann endaði aftastur. Sølmundur varð næstfremstur, og frá Sølmundi og aftur til Páll Fanga var tað eitt sekund, og ímillum hesar báðar bátarnar var Lómur.