Ein veikur jarðskjálvti var í Mýrdalsjøkli á Suðurlandinum í Íslandi í gjárkvøldið. Íslendsku jarðfrøðingarnir siga, at skjálvtin var 3,0 á Richterstiganum, og at miðdepilin var góðar seks kilometrar eystan fyri
Goðabungu, sum er við tað kenda gosfjallið Katla.
Ofta koma veikari eftirskjálvtar aftan á ein tílíkan jarðskjálvta, men so var ikki í gjárkvøldið.
Fyri einari viku síðani vóru nógvir jarðskjálvtar í Mýrdalsjøkli, men allir vóru veikir. Tann harðasti tá var um tvey 2,0 á Richterstiganum, skrivar Morgunblaðið.
