Ein jarðskjálvti í útnyrðingspartinum av Kina hevur kravt í minsta lagi 300 mannalív, og nógv hava fingið skaða. Sambært myndugleikunum var skjálvtin 7,1 á Richter-stiganum. Fjølmiðlarnir siga frá eygnavitnum, at nógv hús rapaðu undir skjálvtanum, og ein embætismaður sigur, at stjórnin hevur sent hermenn til økið at leita eftir fólki, sum liggja undir húsaleivdunum.
Jarðskjálvtin var um midnáttarleitið, og miðdepilin var einar 400 kilometrar sunnan fyri býin Golmud. Síðani hava fýra eftirskjálvtar verið.
