Ein jarðskjálvti, sum var 5,6 á Richterstiganum, hevur verið í India nærhendis markinum við Myanmar. Myndugleikarnir siga, at teir hava ikki frætt um nakran skaða.
Jarðskjálvtin var stutt fyri klokkan tvey í nátt lokala tíð, og amerikanski jarðfrøðistovnurin sigur, at miðdepilin í skjálvtanum var umleið ein kilometur undir jørð.
Í september í fjør doyðu meiri enn 100 fólk av einum jarðskjálvta í India. Tann skjálvtin var 6,9 á Richterstiganum, og hann gjørdi eisini stóran materiellan skaða.
