Japan ætlar, at forsætisráðharri landsins, Shigeru Ishiba, skal fara at tosa við amerikanska forsetan, Donald Trump.
Samrøðan fer í fyrsta lagi at snúgva seg um tollviðurskiftini landanna millum.
Í løtuni eru fyrirekingar í gongd til eina telefonsamrøðu millum leiðararnar, og ætlanin er, at samrøðan skal verða í næstu viku.
Tað skrivar japanska tíðindastovan, Jiji News.
Frá 5. apríl at rokna verður tað 24 prosent dýrari at innflyta vørur úr Japan til USA.
Millum størstu útflutningsvørurnar úr Japan til USA eru bilar, billutir, maskinur og heilivágur.
