Framsýningin er opin til 21. februar.
Janus á Húsagarði er 44 ára gamal, útlærdur snikkari og sjálvlærdur listamálari.
Hann hevur havt myndaframsýningar javnan, síðani hann var tannáringur – 15 ára gamal. Hevur givið út ein hóp av myndabókum.
Janus hevur undirvíst í tekning og list í fleiri ár á Føroya Fólkaháskúla, og myndaevnini eru úr føroysku natúrini t. d. fuglar, trøll, klettar, hamrar, drangar og berg við eini fjøld av skemtiligum smálutum.
Í 2019 legði Janus arbeiðið frá sær á Háskúlanum og fór at mála burturav. Henda framsýning er eitt úrslit frá hesi gongd í hansara myndlista verð.
