Jann Benjaminsen hevur verið fastur fúsur hjá Hødd í triðbestu norsku fótbóltsdeildini hetta kappingarárið.
Jann hevur leikt við í øllum 17 dystunum Hødd hevur spælt hetta kappingarárið, og hevur hann higartil skotið eitt mál.
Í dag vann Hødd 2-1 á heimavølli á gamla liðnum hjá Kaj Leo í Bartalsstovu, Levanger. Levanger var á odda 1-0 í steðginum.
Stóra hetjan hjá Hødd í seinna hálvleiki var Robin Hjelmeseth, ið við tveimum málum syrgdi fyri sigrinum hjá Hødd.
Hødd hevur vunnið 10 dystir, leikt 6 javnar og hevur tapt ein dyst higartil.
Hødd er næstfremst í deildini við 36 stigum, eitt stig aftanfyri oddaliðið, Ullsaker/KIsa sum hevur 37 stig. Kjelsås er nummar trý við 29 stigum.
Nummar eitt flytur beinleiðis upp í næstbestu deildina aftaná lokið kappingarár. Nummar tvey skal spæla upp- og niðurflytingardystir aftaná lokið kappingarár.
