Janet Yellen er við atkvøðugreiðslu í dag góðkend sum fíggjarmálaráðfrú í USA.
Tað skrivar tíðindastovan AFP.
Yellen var tilnevnd høga starvið av demokratiska forsetanum Joe Biden.
Tann 74 ára gamla Yellen verður harvið fyrsta kvinna í starvinum.
Áður hevur hon sum fyrsta kvinna eisini verið stjóri í amerikanska miðbankanum. Yellen hevði ein avgerandi leiklut í at leggja búskaparpolitikkin hjá Joe Biden fyri USA til rættis, sum er hart raktur í koronufarsóttini.
Fyri atkvøðugreiðsluna hevði fíggjarnevndin í Senatinum eftir eina hoyring einmælt góðkend tilnevningina.
Harvið varð lagt upp til eina góðkenning uttan trupulleikar við atkvøðugreiðsluna í Senatinum.
– Eg eri sera ósamdur við Yellen á fleiri økjum, serliga tá tað snýr seg um skattapolitikk, men hon hevur lovað, at hon fer at samstarva við okkum, sigur republikanski senatorurin Mike Crapo eftir fundin fríggjadagin í fíggjarnevndini sambært tíðindastovuni Reuters.
/ritzau/
