Jan C. Dam er nýggjur venjari hjá HB, og Anders Gerber er nýggjur venjari hjá NSÍ.
Í kvøld vóru tað liðini hjá hesum báðu nýggju venjarunum, sum spældu finalu á Tórsvølli í fótbóltskappingini, sum venjarafelagið hevur skipað fyri í Gundadali í dag.
Úrslitið var, at HB vann 3-1, og harvið hevur Jan C. Dam longu vunnið fyrsta steypið sum HB venjari.
Finalan vardi í ein hálvan tíma. Poul Ingason legði HB framum, og Adrian Justinussen økti um HB leiðsluna til 2-0. Ein av nýggju NSÍ spælarunum, 17 ára gamli Jannik Mathias Olsen, minkaði um munin, áðrenn Pál Mohr Joensen staðfesti 3-1 HB sigurin.
