Jákup á Borg heldur fram sum venjari hjá B68. Tað hevur ástalsfelagið staðfest við stuttari sjónbandaupptøku á Facebook. Har stendur stutt og greitt, at Jákup á Borg hevur gjørt ein trý ára sáttmála við felagið.
Bæði Jákup á Borg sjálvur og formaðurin í felagnum, Ian D. Jacobsen, hava í samrøðum við FM1 sagt, at samstarvið helst fer at halda fram. Eftir dystin við Løkin, sum tryggjaði B68 sætið í bestu deildini til komandi segði Jákup á Borg soleiðis:
- Eg tími væl B68, og B68 tímir væl meg – serliga aftaná í dag. Tað liggur til høgra beini at eg leingi. Her eru stórir møguleikar í felagnum og í kommununi. Stuðlarnir stuðla væl og tað eru nakrir spennandi ungir spælarar á veg. So hetta er ein projekt, sum eg væl dugi at síggja meg í, segði ein fegin Jákup á Borg eftir dystin, sum ikki hevur tey stóru krøvini, men vil síggja ambitiónir.
- Eg havi ikki fyri neyðini at bara vera í toppfeløgum, men eg vil vera í einum felagi, sum hevur ambitiónir. Tað verður ikki upp á eitt ár, at B68 kemur at kappast um Evropa, men innanfyri eini tvey til trý ár skal B68 aftur blíva ein middepil í føroyskum fótbólti. Hví skal tað ikki bera til? Umstøðurnar eru góðar, spælararnir eru góður og staðsetingin er góð. Nevndin er góð, men sum hjá so nógvum øðrum, eru tey ov fá, staðfesti Jákup á Borg.
Nú er greitt, at hann heldur fram í felagnum. Mett verður, at B68 leingir við málverjan, Benjamin Schubert, og at tað legst afturat hópinum til komandi kappingarár.
