Jákup á Borg: Eg havi álit á B68 spælarunum

Mikudagin lat flytingarvindeygað aftur. Fleiri flytingar hava verið í summar. Í botninum er niðurfltingarstríðið harðna og fleiri skiftingar hava verið, men í B68 gekk hurðin bara eina ferð. Tað er ikki av vantandi møguleiknum, men heldur in tilviltað avgerð, sigur Jákup á Borg, venjari hjá B68, tá In.fo spurndi hann um vantandi flytingarnar.

- Tað er rætt, at vit liggja undir niðurflytingarstrikuni og kappingarneytarnir hava styrkt seg. Eg havi eisini havt møguleikan at heinta spælarar, men eg havi fult álit á hópinum hjá B68 í løtuni. Tí vildi eg ikki bara taka spælarar inn, fyri at taka spælarar inn, sigur Jákup á Borg og leggur afturat:

- Vit fingu Hugin Samuelsen inn, men hann hevur verið nakað darvaður av skaðum og skal koma í gongd aftur. Um vit funnu rætta spælarar, so fekk eg møguleikan at heita nýggjar spælarar inn, men gongdin hjá okkum hevur verið góð og mær dámar væl samansetingina í hópinum, sigur venjarin hjá B68.

Hann vísur á, at talan er um ein ungan hóp, sum hevur stórar møguleikar at mennast. B68 hevur fleiri spælarar, sum hava aldur til U21-landsliðið, meðan aðrir ikki hava nógvar royndir í Betri deildini.

- Eg haldi at kvaliteturin í hópinum er góður, og serliga haldi eg tað er feitt at hugburðurin hjá spælarunum er so góður. Tað vigar nógv hjá mær, leggur Jákup á Borg afturat.

B68 er í løtuni nummar 9. Liðið er í kapping við Skála, sum hevur heintað Uros Stojanov. NSÍ, sum hevur heintað fleiri spælarar og fingið nýggjan venjara í Sámal Eriki Hentze. 07 Vestur, sum hevur fingið inn fyri tað, sum er farið út. Og so er tað AB, har hurðin gongur títt í løtuni.

##med2##