John Johannessen hevur sent Jørgin Niclasen, uttanríkisráðharra ein fyrispurning, um leiklutin hjá føroysku myndugleikunum í málinum um Skálaberg. John Johannesen, formaður í uttanlandsnevndini hjá Løgtinginum spyr, hvat Uttanríkisráðið ger fyri at hjálpa Manningini á Skálabergi
1. Kann landsstýrismaðurin greiða mær stutt frá, hvat Uttanríkisráðið í øllum lutum
hevur gjørt fyri manningin og reiðarí á Skrálabergi, sum hevur ligið afturhildin í
Murmansk nú í drúgva tíð?
2. Kann landsstýrismaðurin greiða frá, hvussu tað ber til, at vit bert hoyra um, at
danska uttanríkisráðið hevur verið inni í myndini?
3. Sær uttanríkisráðið tað sum sína skyldu at traðka til í slíkum málum og hevur
uttanríkisráðið orðaðar mannagongdir fyri, hvat ráðið skal gera í slíkum støðum.
Hesum spurningum skal Jørgen Niclasen, uttanríkisráðharri svara í komandi viku.
