Ingolf S. Olsen
---
Kommunurnar eru stóri taparin, nú alsamt fleiri føroyingar leita sær av landinum at arbeiða, einamest til hini norðurlondini, og rinda skatt har.
Tí kommunurnar skulu framhaldandi veita almennar tænastur til tey, ið fara av landinum til arbeiðis, uttan at fáa eina krónu í kommunukassan frá teimum. Serliga stórur er trupulleikin í útjaðaranum og í teimum smærru kommununum í miðstaðarøkinum.
Men 1. januar 2015 er trupulleikin loystur fyri teirra viðkomandi, lovar Jørgen Niclasen, landsstýrismaður í fíggjarmálum.
– Tá verður eldraøkið lagt út til kommunurnar at umsita, og við í tí pakkanum er, at kommunurnar skulu haldast skaðaleysar. Tað merkir, at tær eisini verða kompenseraðar fyri skattin, sum tær missa av landinum, sigur hann.
