Hann samanlíknar hetta við happing.
– Eyðkent er, at nøkur (sum halda seg vera) taka seg saman at kúga onnur og skúgva tey til viks. Orsøkirnar kunnu vera so mangar, men ofta er tað øvundsjúka ella undirlutakensla, sum er veruliga orsøkin til happing, skrivar Jógvan Sundstein.
- Í eini happingarstøðu eru vanliga tveir partar. Ein, sum happar ella kúgar, og ein, sum verður kúgaður. Tann, sum kúgar, heldur seg vera tann sterka og vil halda hin niðri. Men mangan er tað ræðsla fyri dygdunum hjá mótpartinum, sum fær hin til at happa.
Hetta samanlíknar Jógvan Sundstein við tað, sum Aksel V. Johannesen nú førir fram ímóti Fólkaflokkinum, sum hann ikki vil samstarva við.
– Nú roynir Aksel Johannesen at fáa allar hinar flokkarnar at bannlýsa Fólkaflokkin. Eyðkennini fyri happing eru nú til staðar. Fólkaflokkurin er ov dugnaligur, og Javnaðarflokkurin er ov veikur ella kanska ódugnaligur. Tí má Aksel fáa allar hinar í part við sær og útiloka Fólkaflokkin frá øllum samarbeiðsmøguleikum, skrivar Jógvan Sundstein.
Les alla Tíðargreinina á síðu 15.
