Stóra 24 tíma umhvørvistiltakið Live Earth, ið fer fram á sjey ymsum heimspørtum, verður í dag. Við einari sera imponerandi skrá, ið telur yvir 150 av heimsins bestu tónleikanøvnum, verður risastóra tónleikatiltakið Live Earth varpað kring heimin gjøgnum sjónvarp, útvarp og internetið.
Endamálið við tiltakinum er at skapa varhuga við altjóða umhvørvið og kanska serligani veðurlagskreppuna, ið sigst at vera á veg.
