Jónas fekk seks mál í tapi á heimavølli

Bert ein føroyingar var við á liðnum hjá Viking Stavanger í dag í heimadystinum ímóti Lillestrøm. Jónas G. Djurhuus hevur verið eyðsýndur spælari hjá Viking Stavanger síðani hann skifti úr HØJ til Viking Stavanger, ið spælir í næstbestu norsku hondbóltsdeildini.

Viking Stavanger tapti 28-31. Í steðginum var Lillestrøm á odda 17-15. Kortini gekk persónliga væl hjá Jónasi G. Djurhuus sum skoraði seks mál fyri Viking Stavanger í dag. Jónas gjørdist deildur toppskjútti saman við unga norska A-landsliðsspælaranum, Alexander Blonz og Hermann Gjekstad.

Viking Stavanger hevur trý stig upp til triðja plássið, ið gevur rætt til at spæla upp og niðurflytingardystir ímóti liðnum sum endar triðaftast í bestu hondbóltsdeildini. 

Komandi leygardag spælir Viking Stavanger á útivølli ímóti Sandefjord. 

Støðan: (haandball.no)