Sunnukvøldið kl. 20.30 fer sangkórið í Siloa, sum júst hevur givið eina fløgu út, at hava eina sangløtu í Siloa. Og við tað at vit nú eru komin so tætt at jólum, fer kórið at syngja jólasangir hetta kvøldið. Har verður bæði nýtt og gamalt tilfar, og sungið verður bæði á føroyskum og enskum.
Kórið fer bæði at syngja uttan ljóðføri og saman við orkestri. Á ljóðførini spæla: Jóhannes Simonsen klaver, Bárður á Lakjuni bass og tvørfloytu, Arni Zachariassen guitar, Jóhan á Lakjuni trummur og Martin Simonsen urgu. Eins og áður stjórnar Eyðun á Lakjuni kórinum.
Eisini fer sangbólkurin "Salt", ið er mannaður við ungfólki úr Eysturoynni, at syngja nakrar sangir sunnukvøldið.
Sangkórið í Siloa bjóðar øllum at steðga á við jólastákinum eina løtu og koma til eina hugnaliga løtu í Siloa við góðum sangi og einum drekkamunni aftaná.
