Triðja sunnudag í advent, sunnudagin 13. des., verður árliga jólakonsertin hjá Eystankórinum undir leiðslu av Símun Nónklett.
Verkini, ið framførd verða, eru m.a. Agnus Dei av C. Gounod við orgulfylgispæli, Byrja nú við trúgv og treysti av M. á Ryggi við enskum lagi, Fedranna kirkja av G. Bruun við lagi eftir H. Arvesen, O sigursæla náttarstund av S. Niclasen við lagi eftir H. J. Højgaard, Gloria tibi við íslendskum tjóðlagi, Jólaaftan (Nú ringja klokkur frið á jørð) av E. í Garði við lagi eftir K. Olsen, Dona nobis pacem av D. Helldén, Tænk når engang av W. A. Wexels við lagi eftir K. Billington framført við solistum, Dank sei dir Herr av G. F. Händel við orgulfylgispæli, Nú ringja klokkur jólafest av Grundtvig/C. Matras við lagi eftir C.C.N. Balle, Mær er kensla í barmi av V. Gregersen/R. Joensen við orgulfylgispæli og Transeamus usque Bethlehem av J. Schnabel við orgul- og floytufylgispæli.
Solistar eru Anne Olsen og Maybrith R. Johannessen. Við orglið situr Jensina Simonsen og floytufylgispælið hava Fríðhild Hansen og Bodil Simonsen.
Konsert verður í Glyvra kirkju kl. 15.
